Skip to main content

Garbahaareey: Soo dhaweynti Macalin Maxamed waa bog cusub oo furmay

Garbahaareey waa magaalo da'ahaan yar qiyaasti waxay jirtaa 40 sano. Dadkeedu siyaasad ahaan waa kuwa soo jeedo. waxaa lagu xantaa in saqiirkeedu siyaasiyiin yihiin. xaga mucaaradka waxay shabahdaa magaalooyinka Ximsa oo Suuriya ku taalo iyo Kuufa oo Ciraaq ku taal. sidii ay dowladi u dhacday majirin maamul gobalka soo maray oo macno leh oo ay taageertay.

Mucaaradkeedu maahan mid aanan wax ku filnayn. mansabka ay haysato iyo arimo kale owgood, cidday diidaan way adagtahay inay gobalka maamulaan. waxaa la xasuustaa si adkayd ee Itixaad ooga hortimid. Itixaad oo waqtiigisa ahaa awood aan la loodin karin maal ahaan iyo mururq ahaanba Garbahaareey waa mari waayay.

sidoo kale, ururka Shabaab ayaa u maaro waayay dagmadaan yar. muddadii Shabaabku gacanta ku hayay waxaa la tusay waji xiran iyo la shaqayn la'aan.caruurta waxay samayn jireen inay kabaha ka tuur-tuuraan askarta shabaabku inta ay masaajidda ku jiraan. waxaa dhacday in maalin mid u qaabilsanaa shabaab wacyi galinta isugu yeeray magaalada, ka dibna wacdi u jeediyay. xogaa markuu hadlayay ayaaa sidii caadada u ahayd wuxuu yiri TAKBIIR! wuxuu filayay inuu dhulka diryaami doono balse qof juuq yiri ma jirin.

marki la dhisay maamulka Jubbaland Garbahareey ma soo dhawayn. si aad ah ayay ooga hor timid, waxaana la xasuustaa shirarki is daba jooga ahaa ee lagu qaban jiray iyo abaabuladii looga soo horjeeday ee ka socon jiray. Xoog iyo xeelba waa lagu dayay balse laguma guulaysan. waxaa la xasuustaa in xatta ciidamada xabashida ee wadanka joogay loo adeegsaday inay dadka qasbaan iyadiina ka dar oo dibi dhal ayay ka dhigtay xaalka.

si kastaba ha ahaatee, waxaa hadda muuqdo isbadal wanaagsan. Wasiirka wax barashada ee jubbaland oo safar ku marayay gobalka Gedo ayaa soo gaaray Garbahaareey. imaanshaha wasiirka waxaa lagu qaabilay soo dhaweyn ay wehliso qalbi furnaan. waxaa wadooyinka usoo baxay rag iyo dumar, caruur iyo ciroole calamo babbinayo.

waxaa la tusay waji furan iyo wanaag. waxaa loo muujiyay sidey dadka dagan Garbahaareey diyaar ugu yihiin ka mid noqoshada maamulka Jubbaland ee uu hogaamiyo Axmed Islaan.

Talaabadaan ayaan u arkaa is badal xagga wanaaga loo qaaday. Inkastoo dhaliilo iyo tabashooyin jiraan, hadana in la taageero maamulka si nabad ahna loo raadsado xaqqa maqan waa arin laga maqsuudo.

Ma hubo waxa keenay is badalkaan iyo inuu sii jiri doono balse waxaa hubaal ah in maalinba maalinta ka danbayso dadku u bislaanayo hogaansanka iyo maamul jeceylka.

Popular posts from this blog

Toban Sano oo Xasillooni Nololeed ah: Toban Guuradii Guurkayga

Maanta oo kale Toban sano ka hor (23/02/2008) ayuu Sheekh Xasan Axmed Nuur qabbiltu yiri Laylo Aadan Maxamed isagoo aniga iga wakiil ah. Guntinta xirantay maalinkaas, waxay ahayd natiijo ka dhalatay sideed sano oo shukaansi iyo haasaawe jeceyl ah. Lix sano oo ka mid ah siddeeddaas sano,  waxaan ku kala noolayn dhul aad u kala durugsan,farriimaha jeceylkana haadka samada duuliyo haatufkaa siday. 
Maalintaas waxaa furmay bog cusub waxaana bilowday geedigii lagu ogaan lahaa dhadhanki mirihii siddeedda sano la kobcinayay. waxaa la guda galay markaan kala ogaan lahayn inaan sun iyo wabaanyo huursanaynay iyo inaan sabuul gallay iyo saan wacan waraabsanaynay.

Sacdiyo Xawaash ayaan ka guntay hadalkaan soo socdo, mar ay ka warraymaysay saygeeda fiicnaantiisa "guurku waa god madow oo aad gacanta u dirto. In abeeso ka qaniintana waa suura gal in dahab kaa soo raacana waa suura gal. anigu dahab ayaa iga soo raacay" ayay tiri.

Sida Sacdiya oo kale, ayaa aniguna godkii aan gacanta u dira…

Maktabadda garbahaarrey (Garbahaarrey library- مكتبة جربهاري)

Maktabbaddu waa maskaxda kaydiyaha qarsoon sida qofka uleeyahay maskax wax ku kaydsada ayaa makatabadduna ummad waliba ku kaydsataa aqoonteeda, afkaarteeda iyo dhammaan macluumaadka bulshada wax tarka u leh,waxaase u dheer in ay tahay muraayadda koobaad ee laga fiirsho bulshada, gaar haan markii larabo in la cabiro heerka aqooneed ee waddan-ka ama magaalada waxaa isha laga buuxsadaaa nidaaam-ka waxbarasheed iyo in ay leedahay goobo wax lagu akhrista sida Makatabadaha iyo matxafyada waa-weyn ee lagu kaydiya raad-raaca iyo dhaqanka dal-ka.
Tusaale ahaan sanadihii1960-1970 yadii waxaa tijaabo lagu sameeyay in laga yagleelo maktabado  dal-ka Ciraaq si loo qaado heerka waxbarasho iyo wax akhris ee dal-ka, natiijadi soo baxaday ayaa ahayd mid aad loogu riyaaqaay, iyadoo ay soo baxeen jiil wax badan fahmasan, oo kaalin weyn ka qaatay isbedlka aqooneed ee dal-ka. Dhanka kale dawaladah reer galbeedka ayaa aad oogu dadaalo in ay u sameeyaan goob waliba oo dad isugu yimaado goob yar oo wax lagu ak…

Qof Wax ma Baddalo ee Qalin iyo Qoraal ayaa wax Baddalo

Aadanuhu waa is baddal u joog. Wuxuu tartan kula jiraa isbadalka Rabbaniga ah ee ku dhacayo bii’ada uu ku noolyahay. Qowmiyaddi la socon waydo xawaaraha isbaddalku ku socdo waxaa ku dhaco dib u dhac ka reebo dunida kale.
Guud ahaan caalamka islaamka waxaa ku yimid dib u dhac xagga horumarka iyo hoggaanka dunida ah. Dalalka saboolka ah ee dalkeennu ka mid yahay ayaa ugu sii daran. Waxay u ilmaynayaa isbaddal siyaasadeed, mid bulsho, mid dhaqaale, mid aqooneed iyo mid hoggaan. Qof walba oo aad waydiiso waxa naga dhimman wuxuu si fudud kuu dhihi isbaddal ayaa loo baahan yahay.
Hasa ahaatee wax mushkilad noqotay in la fahmo cidda laga sugayo inay isbaddalka keenaan. Dadka intiisa badan waxay eegayaan madaxda iyo siyaasiyiinta oo ay ka sugayaan isbaddal dhinac walba ah. Laakiin qof wax ma baddali karaa iyada oo aysan bulshadu is baddalin? Bulshaduse yaa baddali karo yaase saamayn wax baddali karto yeelan karo?
Dabcan duunyo iyo dugaag isbaddal horumarineed laga sugi mahayo ee dad iyo sha…

Contact Form

Name

Email *

Message *