Skip to main content

Maktabadda garbahaarrey (Garbahaarrey library- مكتبة جربهاري)



Maktabbaddu waa maskaxda kaydiyaha qarsoon sida qofka uleeyahay maskax wax ku kaydsada ayaa makatabadduna ummad waliba ku kaydsataa aqoonteeda, afkaarteeda iyo dhammaan macluumaadka bulshada wax tarka u leh,waxaase u dheer in ay tahay muraayadda koobaad ee laga fiirsho bulshada, gaar haan markii larabo in la cabiro heerka aqooneed ee waddan-ka ama magaalada waxaa isha laga buuxsadaaa nidaaam-ka waxbarasheed iyo in ay leedahay goobo wax lagu akhrista sida Makatabadaha iyo matxafyada waa-weyn ee lagu kaydiya raad-raaca iyo dhaqanka dal-ka.

Tusaale ahaan sanadihii 1960-1970 yadii waxaa tijaabo lagu sameeyay in laga yagleelo maktabado  dal-ka Ciraaq si loo qaado heerka waxbarasho iyo wax akhris ee dal-ka, natiijadi soo baxaday ayaa ahayd mid aad loogu riyaaqaay, iyadoo ay soo baxeen jiil wax badan fahmasan, oo kaalin weyn ka qaatay isbedlka aqooneed ee dal-ka.
Dhanka kale dawaladah reer galbeedka ayaa aad oogu dadaalo in ay u sameeyaan goob waliba oo dad isugu yimaado goob yar oo wax lagu akhrista, marka laga soo tagao goobaha waa weyn ee caamka ah sida iskuulada iyo jaamacdaha, iyadoo marar ka qaar ay ku amaraan waalidka in ay u sameeyaan caruurtooda qolakhris  oo u gooni ah)a seprate reading room).

Dhanka kale Waxaad arkayasaa in ay sii hormartay qaab dhismeedka maktabadaha caalamka, tusaale ahaan waddamada, Tuunis, aljeeriya iyo kuwa kale oo badan waxaa jira waxa loo yaqaan maktabadaha wareego oo xitaa baabuurta laguugu keenayo iyo gurigaada, sidoo kale tiknoolijiyada ayaa iyana fududyasay makatabadda oo waxaa jira maktabadaha gacanta (Mobile library) oo qof-ka waqti waliba wax aqriso, haseyeeshee ay yartahay nisbada wax akhrisa iaydoo ay xusid mudantahaya in diinteenna Suuban aayaddii ugu horreyasay ee soo dagto ay na amrayasay wax akhriska.

Intaas ka dib waxaan aad u bogaadinaynaa dhalintii iyo mufakiriintii ka qayb qaadatay yagleelidda maktabaddaan Cusub oo runtii aan oran karno in ay tahay fikrada soo daahday yagleelideedda iyadoo ay jiraan boqollaal dhalinyaro iyo ufakariin ah ay maskaxdooda ka guuxaysay fikraddaan, balse maanta ay nasiib u yeesheen in ay ka qayb qaataan ama arkaan guuxii maskaxeed oo ficil iyo dhaq-dhaqaaq billabay.
Waxaa kale oo iyana aan lamoogayn in magaaladu ay leedahay maktabad ay u soo halgameen culimada magalaada iyo qurbo joog sida Himilo Trust, balse makatbaddaan cusub aan rajeenayno in ay noqoto mid wax dheeri ah iyo qaab casri ah ku soo kordhoso maktabaddii hore, kana haqab tirto bulshada dhammaan culuumta noocyadeeda kala duwan.

Ugu damabayn waxaan leenahay, waa fursad mudan in laga faa’iidaysto kana qayb qaadan karto hormarka shakhsiyeed iyo tan bulshaba, waayo culimada tarbiyada)Education scientists) waxay dhahaan(بناء الإنسان أصعب من يناء العمارة) oo macnaheedu yahay in dhisidda masakaxda dadka ay wax baddan ka adagtahay dhisidda dhismayaasha waaweyn , sidoo kale waxaan ugu baaqaynaa in mamaulka iyo bulshada reer Garabaharrey dal iyo dibad ay ka qaybqataan  dhisidda iyo taabba gelinta hawshaan  iyadoo qof waliba karaankiisa awoodeed iyo fikardba ku biirinayao iftiinkaan u hillaacay bulsho weynta gobol-ka Gedo gaar ahaan reer Garbahaarrey.


Fadlan lawadaag asxaabta kale ee jecel hormarka waxbarasho ee bulshada. 

W/Q: Tabaarak Cumar Xirsi
Date: 05/01/2018

Popular posts from this blog

Xasuustaydi Halyeey Maxamuud Xasan Cilmi

14ki Octobar waxaa dhacay musiibo nagu dhacdo tii ugu weynayd. Maahan kaliya tirada dadka ku dhintay badnaanteeda waxa qalbiga na gubay ee sidoo kale qiimaha iyo tayada dad ka naga dhintay sarraynteeda ayaa ah mid aan laga gam'i karin. Waxaan is iri ma xulkii ummaddeena ayaa meesha la isugu geeyay mise Soomaali oo dhan ayaan kala dhicin. Dareenkaygu wuxuu i siinayaa inay jawaabtu tahay midda danbe. 
waxaa naga baxay dad aan la kala fadili karin xagga tayada iyo xagga muhiimmada ay dalka iyo dadka u lahaayeen. Bal fiiri Maryan, ardayadii caafimaadka ee maalin ka hor qalin jabinteedi la laqmiyay, hooyo Caasho, ogoonlaydi banaanka bur shiishiilka ku gadaysay si ay caruurteeda tuugsi uga kaafiso, wiilkii iyo gabadhii uu dhalay aabaha naafada ah ee wax waxtar ah qabo labadaas ka haystay, afartii wiil ee walaalaha ahaa ee isku meesha lagu dubay. mid walba waxaa la dilay waqtigii loogu baahida badnaa. kaad eegtaba kan kale ka xanuun badan. Mid walbana wuxuu mudan yahay qormo gooni ah. H…

Toban Sano oo Xasillooni Nololeed ah: Toban Guuradii Guurkayga

Maanta oo kale Toban sano ka hor (23/02/2008) ayuu Sheekh Xasan Axmed Nuur qabbiltu yiri Laylo Aadan Maxamed isagoo aniga iga wakiil ah. Guntinta xirantay maalinkaas, waxay ahayd natiijo ka dhalatay sideed sano oo shukaansi iyo haasaawe jeceyl ah. Lix sano oo ka mid ah siddeeddaas sano,  waxaan ku kala noolayn dhul aad u kala durugsan,farriimaha jeceylkana haadka samada duuliyo haatufkaa siday. 
Maalintaas waxaa furmay bog cusub waxaana bilowday geedigii lagu ogaan lahaa dhadhanki mirihii siddeedda sano la kobcinayay. waxaa la guda galay markaan kala ogaan lahayn inaan sun iyo wabaanyo huursanaynay iyo inaan sabuul gallay iyo saan wacan waraabsanaynay.

Sacdiyo Xawaash ayaan ka guntay hadalkaan soo socdo, mar ay ka warraymaysay saygeeda fiicnaantiisa "guurku waa god madow oo aad gacanta u dirto. In abeeso ka qaniintana waa suura gal in dahab kaa soo raacana waa suura gal. anigu dahab ayaa iga soo raacay" ayay tiri.

Sida Sacdiya oo kale, ayaa aniguna godkii aan gacanta u dira…

Labo iyo Tobanki sano ee lagu Qalleeyay 12-ki ka horeeyay. Ku Wacyi Qaado Sooyaalkii warsame Shiidleey.

Warsame waa 24 jir. Waa qoraa afka soomaaliga wax ku qoro horayna u daabacay buug ku guulaystay abaal marin sare. Qur’aanka waa uu xafidsanyahay. Dhawaan ayuu qaatay shahaadada darajada kowaad ee jaamacada. Sidaas oo ay tahay magaalo waxa uu joogaa 12 sano kaliya. Ma run baa mise waa riyo mise waa sidaan jeclaan lahayn? Ma shahaadadi Cabdalla Shideeyaa mise cilmigii Cabdi-wali ee baadiniga ahaa (wadaadki Gaalkacyo)? Intaba midna mee waa dadaal rageed iyo doonitaan Eebe iyo tusmo u furan qof walba oo doono inuu guul ka gaaro hadafkiisa.
Inta aanan billaabin sheekada aan mar kale sheego in ujeedka qoraalkaan uusan ahayn ammaan iyo dhaliil toona balse ujeedku yahay cashar barasho, tusmayn iyo tusaalayn kuwa jecel inay naftooda horumariyaan, dhiirri galin kuwa uu gaariga dadaalku meel dhexe kula jabay, baraarujin kuwa aan arag awoodda Alle siiyay iyo fursadaha ay haystaan. Sidaa darteed ku aqri qalbi fayow oo diyaar u ah wacyi qaadasho iyo ku dayasho.
Imaamul Ghazali Eebe ha u raxmadee ayaa…

Contact Form

Name

Email *

Message *