Skip to main content

Xagee Laga leeyahay Shirkadaha ugu Waaweyn ee Hubka Sameeyo?

                                                 


Waxaan maqalnaa in badan dowlad hebla oo intaas oo bilyan hub kaga iibsanayso dowlad heblo, waxaan aragnaa ama maqalnaa boqolaal qof oo maalin walba u dhinto isticmaalka hub, sidoo kale waxaan maqalnaa dowlado badan oo sheeganayo inay aduunka nabad la rabaan, hadafkooda ugu danbeeyana yahay in la helo dadka adduunka ku nool oo si nabad ah isu garab dagan.

Inta badan hadalada nabad-doonnimada ah waxaan ka maqalnaa dowlaha ugu badan oo aan maqalno iyagoo hub iibinayo ama soo iibsanayo. Sanadkaan dhexdiisa ayay ahayd marki aan arkaynay Sacuudiga oo shirkad Maraykan ah 15 bilyan oo doolar kaga iibsanayo nidaamka difaaca ee loo yaqaan THAAT. Hadaba si aan u fahanno in adduunka nabad lala doonayo iyo in kale waa inaan eegnaa cidda hubka soo saarto iyo faaiidada ay ku qabaan. Hoos ka akhri tobanka shirkadood ee ugu horayso aduunka xagga hub samaynta.

1:  Lockheed Martin (Maraykan). Shirakadaan waxay ku taal gobalka Maryland ee Maraykanka. Waxay u samaysaa diyaaradaha dagaalka, radeerada, diyaaradaha aan duuliyaha lahayn iyo waliba qaybo ka mid ah dayax-gacameedyada ciidamada Maraykanka iyo kuwa dalalka kale ee lacagta haysto. Waxaa ugu caansan waxa ay samayso miiga F-16 iyo diyaaradda xamuulka ee Hercules. Shirkadaan sanadki 2015ki waxay iibisay hub qiimihiisu ahaa 36 bilyan oo doolar, waxayna faaiido heshay 3.6 bilyan. Shirkadaan ayaa lagu qiimeeyay inay joogto 91 bilyan oo doolar.

2: Boeing (Maraykan). Shirakadaan iyaduna waxaa leh Maraykan. Waxay caan ku tahay soo saaridda diyaaradaha waaweyn ee rakaabka. Balse sidoo kale waxay samaysaa hub culus, 29% ayuu hubku ka yahay ganacsigeeda guud. Hubka ay samayso waxaa ka mid ah miigaga F-15, F-18 iyo F-22. 2015ki waxay samaysay hub qiimihiisu dhanyahay 28 bilyan oo doolar waxayna faaiido ka heshay 5.2 bilyan


 3: BAE Systems (Ingiriis). Shirakadaan waxaa laga leeyahay Ingriiska waxaana ka shaqeeyo dad gaarayo 82 kunoo qof. Waxay soo saartaa agab militari oo ay ka mid yihiin diyaaradaha sida ba’an wax u duqeeya ee loo yaqaan Tornado, taankiyada Challenger iyo diyaaradaha aan duuliyaha lahayn. 2015ki waxay iibisay hub qiimihiisu ahaa 26 bilyan doolar.

4: Raytheon (Maraykan). Tanina waa Maraykan waxayna si gooni u soo saartaa gantaalada cul-culus, nidaamyada ay ku shaqeeyaan diyaaradaha iyo maraakiibta dagaalka. 2015ki waxay iibisay hub qiimihiisu ahaa 22 bilyan oo doolar.

5: Northrop Grumman (Maraykan). Waxaa saldhig u ah gobalka Farjiiniya waxayna soo saartaa diyaaradaha dagaalka, kuwa aan duuliyaha lahayn, raadeerada iyo qaybaha diyaaradaha (aircraft components). 2015ki waxay iibisay hub qiimihiisu ahaa 20 bilyan oo doolar.

6: General Dynamics (Maraykan). Iyaduna waxay dagantahay Farjiiniya waana shirkadda samayso taangiyada ugu muhiimsan ee ay isticmaalaan ciidamada Maraykanka. 2015ki waxay iibisay hub gaarayo 19 bilyan oo doolar.

7: Airbus Group (Yurub). Shirkadaan waxay dhaxaysaa midowga Yurub waxayna caan ku tahay samaynta diyaaradaha rakaabka. Balse hubka ayaa u dhigmo 18% ganacsigeeda guud. 2015ki waxay iibisay hub dhan 12.9 bilyan oo doolar.

8: United Technologies (Maraykan). Waxay ku taal gobalka Connecticut ee Maraykanka hubkuna waxaa uu u ka yahay ganacsigeeda guud 16%. Waa shirkadda soo saarto diyaaradaha quumaatiga u kaco ee Black Hawk kuwasoo aan aad u naqaan. 2015ki waxay iibisay 9.6 bilyan doolar hub gaarayo.

9: Leonardo/Finmeccanica (Talyaani). Shirkadaan waxay soo saartaa qaybaha diyaaradaha dagaalka, nidaamyada hubka (weapon systems), diyaaradaha qumaatiga u kaco iyo gawaarida gaashaaman.  2015ki waxay iibisay hub qiimihiisu dhanyahay 9.3 bilyan doolar.

10: L-3 Technologies (Maraykan). Shirakadaan oo dagan magaalada New York ayaa soo saarto qalabka wax lagu jaajuuso (surveillance systems), kan isgaarsiinta malitariga iyo nidaamyada koontaroolo hubka ciidamada. Waxay iibisay 2015ki hub qiimihiisu dhanyahay 8.8 bilyan oo doolar.


Waxaa noo muuqato in 7 ka mid ah tobanka shirkadood ee iib-geeyo hubka ugu badan addunka laga leeyahay  Maraykanka. Sadexda soo hartayna laga leeyahay galbeedka Yurub. Hubkaan intiisa badan waxaa loo iib-geeyaa dibadda.

Haddii adduunku nabad noqdo oo meel uu dagaal ka socdo la waayo ama aad ay u yaraadaan dagaalada dhacayo maxay qaban doonaan shirkadahaan iyo dadka ka shaqeeyo,  dhaawac intee la eg ayaase soo gaari karo dhaqaalaha waddamada laga leeyahay shirkadahaan?


Ibrahim Aden Shire
https://ibrahim-shire.blogspot.co.uk/




Popular posts from this blog

Toban Sano oo Xasillooni Nololeed ah: Toban Guuradii Guurkayga

Maanta oo kale Toban sano ka hor (23/02/2008) ayuu Sheekh Xasan Axmed Nuur qabbiltu yiri Laylo Aadan Maxamed isagoo aniga iga wakiil ah. Guntinta xirantay maalinkaas, waxay ahayd natiijo ka dhalatay sideed sano oo shukaansi iyo haasaawe jeceyl ah. Lix sano oo ka mid ah siddeeddaas sano,  waxaan ku kala noolayn dhul aad u kala durugsan,farriimaha jeceylkana haadka samada duuliyo haatufkaa siday. 
Maalintaas waxaa furmay bog cusub waxaana bilowday geedigii lagu ogaan lahaa dhadhanki mirihii siddeedda sano la kobcinayay. waxaa la guda galay markaan kala ogaan lahayn inaan sun iyo wabaanyo huursanaynay iyo inaan sabuul gallay iyo saan wacan waraabsanaynay.

Sacdiyo Xawaash ayaan ka guntay hadalkaan soo socdo, mar ay ka warraymaysay saygeeda fiicnaantiisa "guurku waa god madow oo aad gacanta u dirto. In abeeso ka qaniintana waa suura gal in dahab kaa soo raacana waa suura gal. anigu dahab ayaa iga soo raacay" ayay tiri.

Sida Sacdiya oo kale, ayaa aniguna godkii aan gacanta u dira…

Maktabadda garbahaarrey (Garbahaarrey library- مكتبة جربهاري)

Maktabbaddu waa maskaxda kaydiyaha qarsoon sida qofka uleeyahay maskax wax ku kaydsada ayaa makatabadduna ummad waliba ku kaydsataa aqoonteeda, afkaarteeda iyo dhammaan macluumaadka bulshada wax tarka u leh,waxaase u dheer in ay tahay muraayadda koobaad ee laga fiirsho bulshada, gaar haan markii larabo in la cabiro heerka aqooneed ee waddan-ka ama magaalada waxaa isha laga buuxsadaaa nidaaam-ka waxbarasheed iyo in ay leedahay goobo wax lagu akhrista sida Makatabadaha iyo matxafyada waa-weyn ee lagu kaydiya raad-raaca iyo dhaqanka dal-ka.
Tusaale ahaan sanadihii1960-1970 yadii waxaa tijaabo lagu sameeyay in laga yagleelo maktabado  dal-ka Ciraaq si loo qaado heerka waxbarasho iyo wax akhris ee dal-ka, natiijadi soo baxaday ayaa ahayd mid aad loogu riyaaqaay, iyadoo ay soo baxeen jiil wax badan fahmasan, oo kaalin weyn ka qaatay isbedlka aqooneed ee dal-ka. Dhanka kale dawaladah reer galbeedka ayaa aad oogu dadaalo in ay u sameeyaan goob waliba oo dad isugu yimaado goob yar oo wax lagu ak…

Qof Wax ma Baddalo ee Qalin iyo Qoraal ayaa wax Baddalo

Aadanuhu waa is baddal u joog. Wuxuu tartan kula jiraa isbadalka Rabbaniga ah ee ku dhacayo bii’ada uu ku noolyahay. Qowmiyaddi la socon waydo xawaaraha isbaddalku ku socdo waxaa ku dhaco dib u dhac ka reebo dunida kale.
Guud ahaan caalamka islaamka waxaa ku yimid dib u dhac xagga horumarka iyo hoggaanka dunida ah. Dalalka saboolka ah ee dalkeennu ka mid yahay ayaa ugu sii daran. Waxay u ilmaynayaa isbaddal siyaasadeed, mid bulsho, mid dhaqaale, mid aqooneed iyo mid hoggaan. Qof walba oo aad waydiiso waxa naga dhimman wuxuu si fudud kuu dhihi isbaddal ayaa loo baahan yahay.
Hasa ahaatee wax mushkilad noqotay in la fahmo cidda laga sugayo inay isbaddalka keenaan. Dadka intiisa badan waxay eegayaan madaxda iyo siyaasiyiinta oo ay ka sugayaan isbaddal dhinac walba ah. Laakiin qof wax ma baddali karaa iyada oo aysan bulshadu is baddalin? Bulshaduse yaa baddali karo yaase saamayn wax baddali karto yeelan karo?
Dabcan duunyo iyo dugaag isbaddal horumarineed laga sugi mahayo ee dad iyo sha…

Contact Form

Name

Email *

Message *